Onion Procurement Maharashtra
Maharashtra Onion Procurement: महाराष्ट्रातील कांदा उत्पादक शेतकऱ्यांना मोठा दिलासा देत केंद्र सरकारने राज्यात थेट कांदा खरेदी सुरू करण्याचा निर्णय घेतला आहे. महाराष्ट्राचे मुख्यमंत्री देवेंद्र फडणवीस यांनी सातारा येथील एका कार्यक्रमात जाहीर केले की, केंद्र सरकार १२.३५ रुपये प्रतिकिलो (१,२३५ रुपये प्रति क्विंटल) दराने कांदा खरेदी करत आहे.
राज्यातील कृषी उत्पन्न बाजार समित्यांमध्ये (APMC) कांद्याचे दर ५० पैसे ते १ रुपया प्रतिकिलोपर्यंत घसरल्याने शेतकरी हवालदील झाले होते. या गंभीर परिस्थितीची दखल घेत राज्य सरकारने तातडीने केंद्रीय कृषी मंत्र्यांकडे मदत मागितली होती.
| नवीन अपडेट साठी Whatsapp ग्रुप जॉइन करा | Join Now |
थेट कांदा खरेदी सुरू करण्याचे कारण काय?
जागतिक बाजारपेठेतील अनिश्चितता, निर्यातबंदी आणि बंपर उत्पादनामुळे देशांतर्गत बाजारात कांद्याचे भाव कमालीचे घसरले आहेत. शेतकऱ्यांना त्यांचा उत्पादन खर्च निघणेही कठीण झाले होते.
यावर बोलताना मुख्यमंत्री देवेंद्र फडणवीस म्हणाले, “मी केंद्रीय कृषी मंत्र्यांना विनंती केली होती की आमचे शेतकरी संकटात आहेत. कांदा हे नाशवंत पीक असल्याने त्याची खरेदी आणि साठवणूक करणे हे एक मोठे आव्हान आहे. तरीही, पंतप्रधान नरेंद्र मोदी यांच्या नेतृत्वाखालील केंद्र सरकारने १२.३५ रुपये दराने खरेदी सुरू करण्यास मान्यता दिली आहे.”
ही अपडेट पहा : Women Entrepreneur: महिलांना व्यवसाय सुरू करण्याची सुवर्णसंधी; केंद्र सरकारच्या या 7 महत्त्वाच्या योजना जाणून घ्या
NAFED आणि NCCF करणार खरेदी प्रक्रिया पूर्ण
केंद्रीय कृषी मंत्र्यांनी स्पष्ट केले आहे की, नॅशनल ॲग्रीकल्चरल को-ऑपरेटिव्ह मार्केटिंग फेडरेशन ऑफ इंडिया (NAFED) आणि NCCF च्या माध्यमातून थेट कांदा खरेदी सुरू करण्यात आली आहे. या संपूर्ण प्रक्रियेत पारदर्शकता राखण्यासाठी आणि मध्यस्थांची (दलालांची) साखळी मोडीत काढण्यासाठी कडक मार्गदर्शक तत्त्वे जारी करण्यात आली आहेत, जेणेकरून पैसे थेट शेतकऱ्यांच्या बँक खात्यात जमा होतील.
दुसरीकडे, काही शेतकरी संघटना या दरावर पूर्णपणे समाधानी नाहीत. खते, बियाणे आणि मजुरीचा खर्च वाढल्यामुळे कांद्याला किमान १५ ते २० रुपये प्रतिकिलोचा दर मिळावा, अशी मागणी शेतकऱ्यांकडून होत आहे.
ही अपडेट पहा :